Urkulu mendian gudari baten hezurrak agertu dira

Karraderan Kultur eta Kirol Elkarteak, Aranzadi Zientzia Elkarteak eta Larrabetzuko Udalak Giza eskubideen urraketa eta oroimen historikoa Larrabetzun, 1936-1945 egitasmoa abian jarri du aurten.

Larrabetzuko 1936ko gerrako gertakariak ikertzea eta Burdin Hesiaren arrastoak balioan jartzea du helburu egitasmoak eta lan horretan hainbat urrats eman dira ikasturtean zehar.

Hezurrak eta ekitaldia

Duela gutxi gerra garaiko giza hezurrak aurkitu ziren Urkulun eta horiek lurpetik ateratzera etorriko dira Aranzadiko adituak urtarrilaren 2an. Ekitaldia irekia izango da, eta nahi duen herritarrak bertara joateko aukera du. 9:00etan abiatuko gara, plazatik.

elgoibar

Bizkargi eta Urkulu

Trincheras del monte Urkulu, de donde se ataco el Cinturón
GureGipuzkoa.net | Trincheras del monte Urkulu, de donde se ataco el Cinturón © CC BY-SA: Ojanguren, Indalecio

Gune gatazkatsua izan zen Urkulu 1936ko gerran. Maiatzean hartu zuten indar frankistek Bizkargi, eta Bilbo defenditzeko sistemaren erasoa egiteko, Bizkargiko ipar mendebaldean dagoen Urkulu hartzea estrategikoa zen frankistentzat. 1937ko ekainaren 11 goizean ekin zioten matxinatuek erasoari. Eta gailentzea lortu zuten indar frankistek. Edonola ere, gauean, posizioa berreskuratzen saiatu ziren errepublikaren aldekoak. Abellaneda, Celta eta Sacco Wanzetti batailoiak eta Asturiasko II. brigadak parte hartu zuten kontraeraso horretan. Baina porrot egin zuen kontraerasoak eta baja ugari izan zituen euskal armadak borroka horretan. Urkulutik kilometro batera Burdin Hesia zuten indar frankistek parez pare. Eta berau erasotzeari ekin zioten hurrengo egunean, ekainaren 12an, alegia. Urkulun izandako gertakari horien arrastoak dira larunbatean ikusi ahal izango direnak.

bizkargimaiatzak12

Astiro ari gara Giza eskubideen urraketa eta oroimen historikoa Larrabetzun, 1936-1945 egitasmoa garatzen. Gerra garaia bizi zuten larrabetzuarren testigantzak jasotzen ari gara orain, eta Burdin Hesiaren aztarnen sailkapen zientifikoa ere osatzen ari gara. 2016an Burdin Hesiaren aztarnen lagin bat balioan jarri eta lehen ibilbide kulturala egitea da dugun asmoa. Eta hori guztia aurkezteko herri batzarra egingo dugu urteko lehen hilabeteetan zehar.

Elkarbanatu:

Utzi erantzuna

Zure e-posta helbidea ez da argitaratuko. Beharrezko eremuak * markatuta daude