Indusketa arkeologikoak Gaztelumendiko Burdinezko Hesiaren Aztarnetan #larrabetzu

Kaixo.

www.larrabetzu.eus

Irailaren lehen hamabostaldian indusketa arkeologikoak egingo dira Burdin Hesiaren aztarnetan. Gaztelumendin dagoen lubakia da, zehazki, garbitu eta lehengoratuko dena eta Aranzadi Zientzia Elkarteko sei aditu arituko dira lanean horretarako: bi arkeologo eta zulotze lanetan arituko diren lau tekniko. Aranzadiko kideek adierazi dute, lanek duten ezaugarri konplexuak direla eta (garbituko den eremuaren estutasuna eta aurkitu litekeen materialaren arriskua), elkarteko kideak arituko direla indusketak egiten eta lanak aurrera egin ahala auzolanerako deia egin daitekeen edo ez erabakiko da.
Gaur hasi dituzte indusketak eta datozen hamabost egunetan arituko dira lanean. Larrabetzuko Udalak finantzatuko du egitasmoa, Gogora memoria institutuari eskatutako diru laguntza jaso ondoren. Proiektuaren aurrekontua 15.730 eurokoa da. Proiektuaren barruan sartu dira txosten arkeologikoa eta Bizkaiko Aldundiarentzako txostena egitea.
Azken urteetan, hainbat jarduera egin dira Larrabetzuko memoria historikoa berreskuratzeko. 1936ko gerraren hainbat aztarna ditugu herrian zehar eta, pixkanaka bada ere, horiek guztiak babestu eta balorean jartzeko eginahaletan ari da Larrabetzuko Udala, udalerriko hainbat herritarrekin batera. Hortaz, Gaztelumendiko aztarnen garbiketa norabide horretan egiten den lehen urratsa da.
Bestalde, gogoratu, 1936ko gerrari eta gerra osteari buruzko informazioa eta lekukotzak jasotzen ari garela eta herritarren laguntza beharrezkoa zaigula ordukoak bizi izan zituztenen testigantzak jasotzeko.
Datozen egunetan informazio gehiago zabalduko dugu!
Durante el mes de setiembre se realizaran trabajos arqueológicos en una de las trincheras del cinturón de hierro cerca de Gaztelumendi. Los trabajos lo realizarán 6 miembros (dos arqueólogos y 4 profesionales en excavaciones) de ARANZADI, junto a miembros del grupo local KARRADERAN ELKARTEA.
Los trabajos durarán 15 días y serán costeados por el ayuntamiento de LARRABETZU. Se ha realizado una petición de subvención al instituto GOGORA para este proyecto. El presupuesto del proyecto es de 15.730 euros.
Dentro del proyecto está incluido el informe arqueológico y la realización del informe para la diputación de Bizkaia.
Durante años se están haciendo numerosas actividades en el municipio para la recuperación de la memoria histórica. Este es un paso más dentro del proyecto de recuperación de la memoria histórica de Larrabetzu. Proyecto en el que toman parte el ayuntamiento, grupos locales y numerosos persona del municipio
Elkarbanatu:

Utzi Erantzun bat