Osakidetzari gutuna #larrabetzu

Kaixo.

www.larrabetzu.eus

Osakidetzari gutuna 

2020/01/09 

Jaun-Andre agurgarriak:

Gabon garaian LARRABETZUko osasun zentroan Osakidetzak ez du behar den arreta eskaini. Izan ere, bertako medikuak oporrak hartu ditu eta hau ez da ordezkatua izan, herritarrak mediku-zerbitzu gabe utzi direlarik. Abenduaren 30etik urtarrilaren 3ra arte erizaina baino ez da egon zentroan.

Hori dela eta asko izan dira beraien kexa adieraztera udalera jo duten herritarrak eta hauen egonezina adierazi nahi dugu gutun honen bitartez.

Egoera honen aurrean, udaletik ondorengo galderak luzatzen dizkizuegu:

  1. Zergatik ez zaie herritarrei oinarrizkoa den mediku-zerbitzua eskaini ohiko medikuaren ordezko bat jarrita?
  2. Aurretik ere gehiagotan eman da egoera hau?
  3. Etorkizunean ere egoera hau ematea aurreikusten da?

Udaletik gure kexa adierazi nahi dizuegu oinarrizkoa den zerbitzu hau eman ez izanagatik eta egoera hau ez errepikatzeko beharrezko diren neurriak harditzazuen eskatzen dizuegu.

Zuen erantzunaren zain, jaso ezazue agur bero bat.

Iñigo Gaztelu
Larrabetzuko alkatea

Carta del ayuntamiento a Osakidetza 

Elkarbanatu:

Utzi erantzuna

Zure e-posta helbidea ez da argitaratuko. Beharrezko eremuak * markatuta daude