Idatzi duzun eran badirudi poztu egiten zarela larrabetzuar gutxik parte hartu genuelako horren garrantzitsuak diren aurrekontuei buruzko batzarrean. Begibistakoa da aurrekontuei buruzko herribatzarra berez ez dela oso erakargarria baina uste dut herritarrok ardura gehitxoago erakutsi beharko genukeela eta udalean daudenek herritarrok gehiago parte hartzea ekimenak abiatu behar dituztela. Ni ez nago pozik 20 lagunek parte hartu genuelako, gurago nukeen 200 egon izan bagina, zu zeu tarteko. ( edo bertan izan zinen?)
Halandaze, 2013ko aurrekontuak lantzeko batzorde zabala albait arinen sortzeko proposamenari ederto deritzot. Izan ere, diruak zertarako erabili erabakitzeko, ez da ezinbestekoa urteko likidazioa izatea. Aurrekontuak ideologikoki diseinatu daitezkeela iruditzen zait, larrabetzuk arloka dituen beharrizanak identifikatuta: hezkuntza, nekazaritza, etxebizitza, kultur ekipamenduak, sorkuntza kulturala… urteko azken faktura jaso arte itxaron barik lanak asko aurreratu daitezkela iruditzen zait. Zuri ez?
Edo oso memoria kaxkarra duzu edo guztiz zara lotsabakoa, honelakoak idazteko ” Si los de 2012 empezaron en octubre y en febrero seguimos así, tendrán que empezar desde ya para el 2013 para que no les pille el toro”. Galdera errazen bidez agian gogoratuko duzu zure alderdia udalean buru izan zela gertatutakoa: Noiz onartu ziren 2011ko aurrekontuak? Zergatik atzeratu ziren horrenbeste? zein arrazoi eman zuen orduko alkateak aurrekontuak horrenbeste atzeratzeko? noiz aurkeztu zuen PNVko orduko alkateak 2011ko aurrekontuetarako lehen proposamena Ogasun batzordean? Noiz burutu du PNVk berak bakarrik eta bere ekimenez, aurrekontuak herritarren parte hartzean oinarritutako prozesurik?

Azken mezu honi barik zure aurrekoari ere erantzunez, salaketa larriak egin dituzula iruditzen zait. Ulertzera ematen duzunaren arabera, BILDUk informazioa ukatu, ezkutatu egiten die PNVko zinegotziei. Tamainako salaketa egiteko, PNVko zinegotziengandik eurengandik jaso duzu informazioa? Alegia, PNVko zinegotzien izenean salatzen ari zara Larrabetzuko udalak PNVko zinegotziei behar duten informazioa ukatu edota ezkutatu egiten diela?

Azkenik, PNVko zinegotziak aurrekontuei buruzko herribatzarretara ez joateari normala deritzozu. Ostera, kezkagarria deritzozu herribatzarrean bakarrik militante ezagunak parte hartzeari. Azaldu egiguzu hori zehatzago, arren, behin, bitan, hirutan… irakurrita ere ulertezina egiten baizait.
J Garaik erantzun dizun legez, aurrekontuen lanketa Ogasun batzordearen ardura izan da eta oker ez banago, batzorde horretan PNVko zinegotzia dago. Zure memoria selektibo horri atea gogor jota gogoratuko duzu aurreko legegintzaldian EB-ARALAR eta ANV zinegotziak herribatzarretara joan ez eze, mahaian ere egoten zirela, nahiz eta euren erabakia izan balitz, bestelako aurrekontu batzuk izan.
Eta ahaztu orduko larratzu, galdetuko duzu etxean mesedez zergatik Hirigintza Kontseilurako izendatuta dauden PNVko ordezkari batzuk ez diren batzar bakar batera joan uztailetik? Hori ere informazioa ukatu edota ezkutatu dietelako da?

PNVk udalgintzarako duen estrategia zeuren erabakia da baita zinegotziek egiten dutena, besteok bat etorri zein ez. Baina gezurretan edo salaketa faltsuetan hasten bazara, erantzuna tamainakoa jasotzea merezi duzuela iruditzen zait.
Urteetan oposizioan egon garenean diskurtso bat erabili eta orain guztiz bestelakoa erabiltzea aurpegiratu diguzu behin eta berriro. Eta urteetan agintean egon zaretenok oposiziora igarotzean ez duzue diskurtsoa aldatu, ala?
Parte hartu edo ez, ezingo duzue ukatu larrabetzuarron egunerokoan zein etorkizunean eragina duten eta izango duten erabakiak hartzeko gero eta herritarren bilgune gehiago ditugula herrian. Idazten duzunagatik susmoa dut horrexek kezkatzen zaituela gehien, alegia, gero eta herritar gehiagok parte hartzea udalgintzan ( beraz, gure ikuspuntutik, herrigintzan)

gotzon barandiaran arteaga

zelan atzerrian, ondo? pozten naz atzerrian egonda herriko gaiekiko kezka azaltzen duzulako. Atzoko herribatzarrean azaldu zutenez, udal boletina etxe guztietara banatzeaz arduratzen diren Lantegi Batuakekoek ez ei dute etxe guztietara zabaldu eta heurekaz bilera egingo da arrazoiak jakiteko.
Bidali dituzu zure proposamenak dagokion lekura? Zeren atzoko herribatzarrean zehaztu zutenez, larrabetzuko herritar guztion artean bi proposamen baino ez ditugu egin 2012ko aurrekontuetarako eta horien artean ez zituzten zuk hemen proposatutakoak aipatu. Oraindik ere garaiz gagoz proposamenak egiteko, izan ere, inposatu diguten krisiaren ondorioz bizi dugun egoera ekonomikoa eta herritarrok zein ekarpen gutxi egin ditugun aintzat hartuta, diruak zertan inbertitu proposatzeko epea luzatzea erabaki da, burugabekeria litzatekeelako herritarren oneritzirik ez duten proiektuetan inbertitzea, aurreko urteetan sarritan egin legez.
2011tik 172 bat mila euroko gerakin edo erremanentea ei dugu eta inbertsioetarako 700 bat mila edo. Kontua da kopuru horiek, legez, ezin direla edozertarako erabili, udalen legeak mugatu egiten duelako, berbarako, Sasineko lurrak saltzetik sartutako dirua zertan gastatu. Zure uste inbertsioetarako diruak Goikoelexaldeko frontoirako, Iturriekoetxeko aparkalekurako eta abadetxea haurreskolarako bideratu beharko lirateke, ezta? Proposamen egokiak dira oso, dagokion foroan eginez gero hobeto, baina datozen hilabeteotan HAPN edo hirigintza plana zehaztu behar dugunez eta zure proposamen horiek eta antzekoak bertan eztabaidatuko direnez, atzoko herribatzarrean zentzuzkoena HAPNa erabaki arte itxarotea dela ondorioztatu zen, alperrekoa litzatekeelako orain inbertsio bat egin eta lau hilabete barru HAPNaren eztabaidan herritarrek egitasmo horri ezetza ematea.

Udalaren webgunea hobetu daitekeenik ez dizut ukatuko ezta horretarako herribatzarra egin beharrik ez dagoela ere. Hori bai, 8 hilabeteotan, aurreko urte guztietan baino askoz informazio gehiago dugu eskura larrabetzuarrok eta uste dut lehenengoz udalbatzarretarako deialdiak sasoiz kontsulta ditzakegu. Hobetzeko, erabilgarria izateko, erakargarri suertatzeko… zein dira zure proposamenak? badituzu edo kaka botatzea da kontua? Horixe baita errazena, txarto dagoela esan eta proposamenik ez egitea. Letra larriz idatzi duzu alkateari eta BILDUko 5 zinegotziei espabiletako eskatu behar jakiela. Eta gu zertan gabiz ba? Etxetik blog batera idatzita espabileta gauzelakoan? Eskatu? Nor gara horrenbesteko lana dakarren zinegotzi ardura hartu duen gure herrikide bati letra larriz bati ezer eskatzeko?
Zeren, alkatea kenduta, gainontzeko zinegotziek ( BILDUkoek, behinik behin) ez dute euren poltsikoetara txakur txikirik sartzen eta alkateak dagozkion baino askoz ordu gehiago sartzen ditu udalgintzan, besteak beste, BILDUk herritarren parte hartzea ohitura bihurtzea duelako helburu eta horrek lan ordu asko eskatzen baititu. Jakin gura duzu zenbat denbora ematen duten zu eta nire antzeko larrabetzuar horiek udalgintzan? Ze uste duzu, edozer aurpegiratu diezaiekegula? Zertan gabiz bitartean, besteok, blogetan era anonimoan kaka bota eta kontuak eskatzen? Hori da herri honi egiten diogun ekarpena?

Polikiroldegia: erabiltzaileoi kuota bikoiztuta ere ez litzateke arazoa konponduko. Egun osoz zabalik eukitzeko ia larrabetzuar guztiok izan beharko genuke erabiltzaile. Zein gastu orokorretatik kenduko zenuke dirua polikiroldegia eta igerilekuak egun osoz zabalik mantentzeko? Zein beste aukera dago? Auzolana agian?

Ogasun batzordeko BILDUko zinegotziaren azalpenaren arabera, itzulpenetarako diru gehiago erabiliko da konturatu baitira orain arte Larrabetzuko udalaren izenean kalera ateratzen ziren dokumentu asko espainol hutsez kanporatzen zirela. Berriz diotzut oraingoan nik zuri, honek ez du zerikusirik BILDUko zinegotziak euskaldunak izatearekin, udalaren izenean kaleratzen direnak udal langileek idazten baitituzte. Gai honi dagokionez, uste dut kontuak Mankomunitateari eskatu behar dizkiogula, berak baita udaleko langileen euskalduntzearen arduraduna.

Azkenik, atzoko herribatzarrean BILDUko zinegotziek ( gonbidatuak izan ziren arren, ez baitziren ez mahaian ezta publiko artean egon ere!!!), 2013ko aurrekontuak oraingandik lantzen hasteko, Aldi baterako batzordea sortzea proposatu dute, datorren urteko aurrekontuak denboraz eta patxadaz landu ahal izateko.

Beste galderarik baduzu, arren, idatzi edo deitu udalera edo egin instantzia bidez edo dagokion zinegotziari. Gero eta aukera gehiago ditugu herritarrok udalgintzan parte hartzeko. Aprobetxatu ditzagun

gotzon

Ondikarren zer daukagun eta zer ingresatuko dogun jakin barik nau. Zelan esango dotzut zelan bideratu al dan, zelan ingresatu eta zenbat ingresatuko dugun ez badakit. TXARTO PLANTEATUTA DAUZ GAUZEK!! ZELAN ESAN BEHAR DOTZUT??

Bestalde, udalaren folletoa nire etxera ez dazte heldu. Blogetan irakurritzen dudalako jakin dot. Udalaren web orria, PNVgaz egon zanan berdin antzekoa da eta erabilgarritasun eta erakargarritasun berdinak ematen dauz. No es util, ni atractiva la pagina vamos. Para eso tambien hacemos herri batzarra…

Nik aparkamentue iturrikoetxen eta polikiroldegie zabalik gure dodaz. Herriko beste batek beste zeuzer gurako dau, baia udalekoak espabilau behar deure eta erabakirik onenak hartu! Oin ez dau balio, ES QUE NO HA HABIDO TIEMPO, ES QUE… Krisi garaian gauz eta baliabideak urriek direz. Horregaitik, ALKATESIARI ETA BESTE 5 ZINEGOTZIERI ESKATU BEHAR JAKIE, ESPABILETAKO. PNVk ez deu oztopo askorik suposatu behar, udalean dauen gehiengoagaz, no me tomeis el pelo!!

Maiatzean urte bat izango da boterean dauzela eta aurrekontu batzuk egiteko eta inbertsioetako dirua jakiteko, ordua da iada. Biok horretan ados gagoz.

Orain arte, polikiroldegirako kuotak mantendu egin dira, ordutegia mantenduta. Zarratu ez, baia goizetan itziko dela esan doztie. Ez dakit zenbat diru dauen eta kuotak ez neukez igoko, pertsonak ere, txarto pasatzen ari garalako eta horrek arazoa ez lukeelako soluzionatuko (si no suben mucho la cuota claro).

Euskeraz eta erderaz testuak. Udaleko testuak beti bi hizkuntzetan izan dira. Orain horretarako 50% gehiago gastauko da. Zergaitik? Bilduk horretan arazo gutxiago izango lukeela uste nuen.

Amaitzeko, ruta senderistan eta argi indarren asuntoaz erantzun gabe gelditu naz. Halan da be, eskerrik asko, erantzutearren.

Así que calma, queridas hermanas. A Dios lo que es de Dios. Al césar lo que es del césar. A las hijas y los hijos de Dios buenos jamones y a los jeltzales de Larrabetzu, a los que deseo se lo pasen bien en la txarriboda del sábado, un poco de buen gusto a la hora de diseñar sus carteles ¡Ánimo, que con un ordenador y cualquier programita de autoedición o diseño gráfico se pueden hacer auténticas virguerías!