Kategoriaren artxiboa: Kultura

Maulera #larrabetzu

Kaixo.

BIZKARGI DANTZA TALDEAK ANTOLATUTA:

 

ASTEBURU PASA MAULERA

Apirilaren 13tik 15era, txangoa antolatu dugu. Autobusez izango da bidaia eta Chateau Libarrenx-en lo egingo dugu. Bertan leku ederra dago ikastaroak egiteko, ibilalditxo lasaiak egiteko edo Maulera ateratzeko. Behin-behineko egitaraua honakoa da:

Ostirala:

  • 17:00tan: Larrabetzutik irten Irabarneko gaztelura
  • “Potluck” afaria (bakoitzak zerbait ekarri guztion artean elkarbanatzeko)

Larunbata:

  • Goizean: Dantza ikastaro trukea (Zuberoako dantzak Atharratzeko dantzarien eskutik edo Arratiako jota eta porruak Bizkargiko dantzarien eskutik) nahi duenarentzat
  • Bizkargik eskainitako bazkaria
  • Ostean: Alozeko ikastolaren aldeko jaira txangoa: tupinako txapelketa, dantzak, herri afaria (+15€), erromeria… eta besta giroa izango ditugu

Igandea:

  • Goizean: Dantza ikastaroen jarraipena edo txangoa Larrainera barrikadak ikustera. (Bertan erabakiko dugu parte hartzaile guztien artean).
  • Bizkargik eskainitako bazkaria
  • 16:00tan: Larrabetzurantz itzulera…

Izena emateko epea apirilaren 1ean bukatuko da. Horretarako idatz iezaguzu zure izen-abizena eta telefono zenbakia adieraziz gure posta elektronikora. Prezioa 70€-koa da.

ANIMATU ZAITEZ!

 

Dantza suelto ikastaroa #larrabetzu

Kaixo.

www.bizkargidantzaelkartea.eus

Noiz: Apirilaren 22 eta 29an goizean. Izena emaniko parte-hartzaile kopuruaren arabera zehaztuko da ordutegia. Goizero 2 edo 3 ordu izango dira.

Non: Larrabetzuko eskolako gimnasioan.

Prezioa: 5 €. Bazkideei, ikastaroa bukatutakoan, dirua itzuliko zaizue egun bietan parte hartu baduzue.

Izena emateko: Izen-abizena eta telefono zenbakia bidali info@bizkargidantzaelkartea.eus  postara martxoak 23a baino lehen, ikastaroan parte hartu nahi duzula adieraziz eta ordainketa burutu. Berau, entseguan eskura edo gure kontu korrotean [IBAN: ES15 30350433004331001048] egin dezakezu.

Leku mugatuak izango dira eta izena eman ahala gordeko dira lekuak.

Dantza suelto ikastaroa

umeen kontseilua #luk #larrabetzu

Kaixo.

www.larrabetzu.eus

bat zegoela goitik behera jaisteko… Ez zegoela kola askorik gainera, eta oso dibertigarria izan zela! Ahammm… inori ez jako arraro egin, aizue!
Harbelean lauki batetan ipini doguz Larrabetzuko abuztuko lau jaiegunak, 13tik 16ra, eta goiz/arratsalde/gaba tarteak goitik behera. Parean, mahai batetan, hiru koloretako postitak (umeentzako jarduerak/ nagusientzako/ guztientzako) eta boligrafoak. Zirkuluan jezarri gara, inguruan.
Orduan kontatu diegu aurten jai batzordeak laguntza eskatu duela jaiak antolatzeko eta LUKeko umeei dagokiela jai egitaraua osatzea. Horregatik dago hutsik egitaraua, eurek bete behar dutelako. Jo eta fuego aritu dira ideiak bota eta harbelean kokatzen. 77 proposamen agertu dira. Gora gogoa eta irudimena! Batzuk jada egiten dira, beste batzuk akaso ezinezko suertatuko da egitea, baina gehienak merke eta egingarriak dirudite…
Jai batzordeko Maripi etorri da gaurko bileraren bigarren parterako, harbelean agertutako proposamen guztiak errepasatzen ari ginela. Berak azaldu digu zelan jaiak denborarekin antolatu behar diren eta nola herritar talde bat arduratzen den, aurrekontu txiki samarrarekin (Elexaldeko jaiak barne) eta herri partaidetza handiarekin kontatuz.  Berarekin batera iazko jai egitaraua errepasatu dugu, jarduera bakoitzaren nondik norakoak komentatuz. Hainbat gauza komentatu dira alde batetik zein bestetik: umeen bakillak ezin izango direla egin, umeen ekintzak oso goizetik hasten direla eta gauean ere ekintzak nahi dituztela… Futbol torneoa adin artekoa eta mistoa egitea; herri afarian plazan bertan prestatu ahal dela janaria, nagusiek umeei lagunduz; petardoak debekatu behar ote diren; LUKek aurtengo jaietako txupinazoa bota ote dezakeen…
77 proposamen orain Larrabetzuko jai batzordearen eskuetan… 77 ideia jai umeagoak egiteko, ideia gehienak adina guztietako pertsonentzako diren arren… Martxoaren 15ean ospatzekoa da jai batzordearen hurrengo bilera… Herritar guztiak gonbidatuta! 😉
Plazan pillapillan jolastuz amaitu dugu gaurko Umeen Kontseiluaren saioa. Umeak-Plaza-Jolasa-Plaza-Umeak…
Lotura honetan ikus ditzakezue bigarren bilera honetako argazki guztiak.